რა უპირატესობები აქვს ოძეკობას სუმოს სამყაროში და რითი არის გამორჩეული?

ოძეკი სუმოს სამყაროს იერარქიაში რიგით მეორე წოდებაა, პირველი კი იოკუძუნაა, იგივე დიდი ჩემპიონი. ბანძუკეს წესების მიხედვით, სუმოს ჰყავს მინიმუმ ორი ოძეკი: ერთი აღმოსავლეთის მხარეს, მეორე დასავლეთით. შესაძლებელია მაკუუჩი დივიზიონში იყოს სამი ოძეკიც.

ამ ეტაპზე სუმოს სამყაროში ამ სტატუსის მატარებელი ორი ადამიანი იყო: იაპონელი გოეიდო გოტარო 2014 წლიდან და იაპონელი ტაკაიასუ აკირა 2017 წლიდან. 

ოძეკის უპირატესობები:

• სამი წლით სუმოს ასოციაციის წევრობის გარანტია, თუ ის ამ პერიოდში არ დაანებებს სუმოს თავს.
• ის მიიღებს სპეციალურ ფინანსურ შეთავაზებას, რომელიც კარიერის დასრულების შემდეგ აისახება
   
  მის საპენსიო ფონდზე.
• მას ექნება გამოყოფილი პარკინგი სუმოს ასოციაციის შტაბში.
• ტოჩინოშინს შეეძლება მიიღოს მონაწილეობა სუმოს ასოციაციის პრეზიდენტის არჩევაში.
• მას მიაბარებენ პერსპექტიულ ახალგაზრდა სუმოისტებს, რომელთა აღზრდაშიც მიიღებს მონაწილეობას.
• მას შეეძლება მიიღოს მონაწილეობა სპეციალურ საცერემონიო რიტუალებში, რაც მხოლოდ ამ იერარქიის სუმოისტებს ძალუძთ.
• ლევანს შეუძლია მონაწილეობა მიიღოს იოკუძუნას ბეჭდის ცერემონიაში.
• ის მიწვეული იქნება VIP ადამიანების სტუმრობისას ან სუმოს ასოციაციის სტუმრობისას შინტოს ტაძარში.
• მისი ხელფასი თვიურად საშუალოდ 25 000 დოლარზე მეტი იქნება.

ოძეკს აუცილებლად მართებს თითოეულ ტურნირზე კაჩი-კოშის დაფიქსირება (დადებითი ბალანსი), მაკე-კოშის (უარყოფითი ბალანსი) შემთხვევაში შეიძლება ისევ სეკივაკეს პოზიციაზე ჩამოქვეითდეს.